Breaking News

Garal Hooreejo Senegaal nder Nuwaasot

Ko saanga waktuuji 11 hooreejo Senegaal Basiiru Jomaay Fay yettii Boowal laaɗe diwooje Nuwaasot. Tawii jaɓɓii mo, ko nanndo makko Muritani gardiiɗo « Union Africaine » Mohamed Seek Ghaswaani. Ko e oon waktu hooreeɓe ɗiɗo ɓee e seteeji timmuɗi njaaɓani « Palais des Congrès ». Ɗuum ko adii ko ardiiɓe leyɗe ɗiɗi ɗee, yahde galle laamorgo Muritani. Faandaare nguu njillu, ko yeewtidde ko faati e kuutoragol eɓɓoore Gaas gonɗo to Ahmeyin keerol hakkunde Senegaal e Muritani, ndi njaanjeendi mum miilletee 120 km. Ndee toɓɓere jeyaa ko e toɓɓe yummaaje nde hooreeɓe ɗiɗo ɓee poti haaltidde. Ko noon ne kadi, ine jeyaa heen kesɗitingol nanondiral jowitiingal e awo, ngal laamu Muritani siifondirnoo e leydi Senegaal hitaande yawtunde ndee, 14/7/2023. Rokkude fartaŋŋe Senegaaalnaaɓe awde nder maaje kaaɗɗe Muritani.

Ko e W13 hooreeɓe ɗiɗo ɓee njahi galle laamorgo Muritani, ngam yeewtidde e toɓɓe keewɗe, ɓe mbaɗda ŋaasaa ŋaasaa. So wonii W14:30H, ɓe ngottoo caggal ɗum ɓe nduttoo « palais des congrès » nder tummbere Nuwaasot. So yahii haa W16:30H hooreejo Senegaal ummoo laamorgo ngoo yaaɓana boowal laaɗe diwooje Nuwaasot ruttoo Dakaar.

JP

About Diagana

Check Also

La commission Electorale Nationale Indépendante : Objectifs : garantir l’intégrité et la transparence des élections

                                          Par : Sidi Moustapha Ould BELLALI La plus grande ambition de l’actuelle CENI, est d’améliorer …

Laisser un commentaire

Votre adresse e-mail ne sera pas publiée. Les champs obligatoires sont indiqués avec *