Initiatives News L'info au service du développement
Related Articles
Caggal ɗaɓɓaande faade e toppitiiɓe Ñaawirde doosɗe Mali, nde faɓɓitat pellitte ɗe konuŋkooɓe Mali ƴetti jowitiiɗe e yowde denndaangal geɗe dawrugol e salaade sompude laamu sabbordu kesu. Ngam yuɓɓinde suɓngooji hooreleydaagu, Ñaawirde doosɗe Mali, hollitii alaa mbaawka ngam siynude wullitannde faɓɓitde, riiwtude pellitte ɗe laamu sabbordu nguu ƴetti.
Tuugnaade e piɓondiral ngal laamu nguu, huninoo pelle dawriyankooje Mali kollitii Toppitiiɓe Ñaawirde doosɗe Mali hapu mo laamu sabbordu dottanenoo joofii, yo siwil en tottite laamu nguu. Ñaawirde doosɗe leydi ndii, riiwtaani ɗaɓɓaande siwil en ko kaali koo, kono teeŋtinii alaa ko waawi haalde heen ndeen noon eɓe mbaawi wullitoyaade to haaɗtirde ñaawoore cour suprême… E goɗɗum ko pelle dawriyankooje ngullitinoo to Ñaawirde doosɗe leydi Mali, firtude pellital ngal laamu sabbordu Mali ƴetti, haɗtude lanndaaji dawrugol yuɓɓinde golle mumen, ɗum kala ɓe teeŋtinii ɓe ngalaa mbaawka siynude wullitaango faɓɓitde pellital ngal konuŋkooɓe laamu nguu ƴetti.
Ɓee konuŋkooɓe arɓe e laamu, kuninooma rokkirde siwil en laamu, kono haa hannde ɓe njuɓɓinaani suɓngooji. Ngam laamu kesu sompee, wooteeji njuɓɓinee, kono toppitiiɓe diiso doosɗe Mali kollitii, ko ngalaa kaan mbaawka toowirii ɗumen.
Mali ine wuuri e caɗeele gila 2012, caragol seɓɓitiiɓe e fekkuru mawndu, yowitiindu e kisal, kono kadi e dawrugol kam e faabu nguura. Koniŋkooɓe ƴettitɓe laamu nguu e dow doole, taƴi jokkondire ɓooyɗe hakkunde mumen e Farayse, kucciti e Riisii.
JP
