Coftal ɓalli: Hooreejo Biden ine yeeɓda fuku-koyngel e nanndo makko Ghazwaani to Wasiŋtoon

Related Articles

Hol fuɗɗiiɓe hollirde ko Kanndidaaji suɓngo leydi Muritani

23 heures ago

Pottital hakkunde Hooreejo Muritani, hooreejo fedde ngootaagu Afrik e Muusaa Faki

2 jours ago

Doggol suɓngoyankeewol: limre winnditiiɓe ɓee ɓeydiima 13 941

3 jours ago

Hooreejo Ngenndiiji Dentuɗi Amerik, Joe Biden waɗi ngal natal e Twitter mum, omo yeeɓda fuku e nanndo makko hooreejo leydi Muritani, Jaagorgal garwaniiwal Marok wondude e jagge mawɗe Afriknaaɓe. Ko ɗimmal-timmoode kubeeri winndereyankori hanki 14/12/2022 hakkunde kippu Marok e kippu Farayse.
Biden winndi e tweet mum: ko weltaare yiyde kippu Marok waɗi yawtannde mum ngam yahde ɗimmal-timmoode kubeeri winndereyankoori to leydi Kattaar, ɗo Marok wonti leydi ngadanndi aarabeeɓe afriknaaɓe ngadiindi yettaade ngal daawal kiwondiral coftal ɓalliyankeewal.
Ngoon foolotiro gasiri ko poolgu laaɓngu, 2-0 wonande Farayse ngam yawtude timmoode kubeeri winndereyankoori hakkunde mum e leydi Argentine.

Ciftinen hooreejo leydi Muritani ko jahnooɗo Washiŋtoon gila ñande aletaare yawtunde ndee, faandaare ndee ko tawtoroyeede lulnde ardiiɓe Amerik-Afrik.