Related Articles
Kanndidaaji ɗii ine njokki nawde doosiyeeji mumen to Diiso doosɗeyankeewo Muritani, beetawe hannde saanga midi ko Me Elid Mohameden Mbaarek woni kanndidaa jeegoɓiijo joɗɗinoyɗo doosiye mum, nokkuure toppitiinde diiso doosɗe leydi ndii. Ɗuum ko caggal, nde hooreejo leydi gonɗo gadano joɗɗinde doosiyee mum. Rewi e makko, ko Mohamed Lamine El Mourteji El Wafi, gonnooɗo kanndidaa suɓngooji 2019. Tataɓo oo, ko hooreejo lannda ngadanka Tawasul Hamadi Ould Sidi Mokhtar, le professeur Outama Soumaré, woni nayaɓo, hanki talataare, ko kanndidaa (AJD/MR), Ba Mamadou Bocar joɗɗinoyi doosiye mum.
Ndenndaandi Islaamyankeeri Muritani, foti suɓaade hooreejo mum ko 29 lewru jeegaɓuru, manndaa duuɓi 5 – Doggol kanndidaaji curateeɗi ɗii, saaktoytee ko ñande 30 joyaɓuru. Doggol cakkitiingol wootooɓe winnditiiɓe saaktee 8 jeegoɓuru. Kono kadi kampaañ suɓngooji ɗii e biyol Diiso Doosɗeyankeewo fuɗɗotoo ko 14 jeegoɓuru 2024, joofa ñande 27 ñalawma 28 fooftee, 29 jeegoɓuru dawree woote. Yoga noon e kanndidaaji ɓe ndañaani paarenaas kollirii mettere mumen e tuumde laamu nguu ko kañum gijii laamɓe diiwe ɓee kam e palɗe rokkude yamiroore ciifanɗe ngam kanndidaagal mumen yawta.
Siftinde ko hannde jamma, saanga W22H30 kanndidaa Biram Dah Abeydi joɗɗinoyta doosiyee mumn
JP
