Related Articles
Ñande 27 Juko 2024, terɗe jaaynooɓe e ɗemɗe ngenndiije njooɗdiima e Jaagorgal Pinal, Ñeeñe, jokkondiral e Jotondire parlamaa, Huseynu Wul Meddu.Faandaare ndeen joɗnde, ko duwanaade, jaagorgal ngal nde jogortoo jam e ruttude mo njettoor ngam gollanaade ɗemɗe ngenndiije, ko faati e tiiɗtingol kattanɗe jaayndiyankooɓe.
Ine tawtorenoo Halima Jagana, Sooyaa Wat, Leenaa Seek Jeey, Alasan Umaar Mbooc.
Caggal jeewte gostondire e dow deeƴre, Jaagorgal ngal hesɗitinii coobagol mum jokkude ɓamtude ɗemɗe ngenndiije, fawaade e yiɗde nde laamu nguu hollirnoo.
Ko yalti nder jeewte gostondire ɗee, pellital makko ko wayi no:Ɓamtugol mbaawkaaji jaaynooɓe e ɗemɗe ngenndiije, Ƴellitde miijo sosde rajooji renndo.
Ɓaawo ɗuum, jaagorgal ngal ɗaɓɓii terɗe fedde ndee yo ndaɗɗu peeje golle ngam lebbi 4 keddiiɗi ɗii e hitaande 2024 ndee.
Ciimtol: Alasan Umaar Mbooc
Fulo: Jaayre Pinal-JP
