Related Articles
Jaagorgal garwaniiwal Espaañ Pedeo Sanchez maa fuɗɗo njillu mum janngo talaata 27 ut 2024. Nguun njillu maa duumo fodde balɗe 3, ɗo e Nkchtt to Dakaar e to Gammbi. Njillu makko nder Nkchtt ari ko e sahaa nde fekkuru ɗanle ɗe ndewaani laawol ɓeydii jaalaade nder leydi Moritani, Senegaal e Gammbi.
Ko njillu makko ɗimmu nder Moritani, e nder ndee hitaande wootere. Caggal lebbi 6 ko Pedro Sanchez ardunoo e hooreejo Goomu Orop Ursula Von der Leyen. Caggal lebbi 6 ko o wayrunoo Moritani, gardiiɗo jaagorɗe ɗowngu laamu Espaañ Pedro Sanchez ine tijjaa kihiiɗe hannde ɗo e Nkchtt laamorgo Moritani.
Sanchez maa yeewtu ko faati tiiɗtingol jokkondire hakkunde Moritani e Espaañ, ngam ustude uujo ɗannotooɓe ɓe ndewaani laawol. Teskaade limre sagataaɓe Moritaninaaɓe uujanooɓe doŋre Orop, sowiima laabi ɗiɗi e ndee hitaande, so yerondiraama e kitaale jawtuɗe ɗee. E biyol maɓɓe.
Darorɗe lewru tataɓuru sahaa ciifondiral hakkunde Goomu Orop e Moritani, hooreejo nguun Goomu Ursula Von der Leyen hollirnoo ɓe mballitii laamu Moritani 500 millions oro ngam haɓaade ɗanle ɗe ndewaani laawol. Ɗuum ko caggal nde ɓe teskii Moritani wontii damal jawtirgal faade Duunde Kanarii.
Gaagaa haɓaade ɗanle ɗe ndewaani laawol, Nuwaasot e UE, ndaɗɗidiino peeje ngam artirde Moritaninaaɓe wonɓe Orop ɓe ngalaa kaayitaaji.
Siftinde ñande 7 tataɓuru hit 24 laamu Moritani siifondiriino e ngu Espaañ ko faati e caɗeele ɗanngal ngal rewaani laawol to Palais des conférences Nkchtt. Ngam ndee saɗeende wonata dikkannde laamu Moritani. Kono laamu nguu suɓii ko deƴƴere saaktude 500 millions euro, e yeeso jaayndiyankooɓe.
JP
