Related Articles
Lanndaaji luulndo ɗii nawii 24 sarɗiyanke, e daawal gadanal suɓngooji baɗɗi ñande 13 mee hono no CENI hollitiri. Lannda Tawasul woni hoore dañii sarɗiyankooɓe 9 daawal gadanal ngal, eɓe njogii sarɗiyankooɓe 3 yahdaaɓe daawal ɗimmal, diiwal Asaaba, nder Afrik e to Asie.
Lannda FRUD rewi heen to bannge luulndo, ƴettii sarɗiyankooɓe 6 daawal gadanal ngal. Sarɗiyankooɓe mum ɗiɗo njahdaama daawal ɗimmal, to Zuwoyraat e to Amerik bannge rewo. Lannda Sawaab woni tataɓa, ƴetti sarɗiyankooɓe 5 daawal gadanal, sarɗiyanke mum gooto yahdaama daawal ɗimmal to doŋre Orop.
Lannda AJD/MR heɓii sarɗiyankooɓe 4 daawal gadanal, sarɗiyankooɓe mum 3 njahdaama daawal ɗimmal, heen ɗiɗo ko Baabaaɓe e gooto to Amerik.
Sarɗiyankooɓe to batirde ngenndiire Muritani fof, ko 176. Lannda Insaf heɓii heen 80 sarɗiyanke gila e daawal gadanal, lanndaaji 10 keewal laamu keɓii 36 sarɗiyanke, 36 keddiiɗi ɗii ine tommbaa e daawal ɗimmal, daɗɗngal ñande 27 mee.
Ko nih sarɗiyankooɓe luulndo ngoo feccorii:
Tawaasul (Sarɗiyankooɓe 9)
– Sarɗiyankooɓe ɗiɗo wonande doggol ngenndiwol denndal.
– Sarɗiyankooɓe ɗiɗo wonande doggol ngenndiwol Rewɓe
– Sarɗiyanke gooto wonande doggol ngenndiwol Sukaaɓe
– Sarɗiyanke gooto wonande Nuwaasot bannge hirnaange
– Sarɗiyanke gooto Nuwaasot bannge Rewo
– Sarɗiyanke Nuwaasot bannge Worgo
– Sarɗiyanke wonande Nuwaadibu
FRUD : (Sarɗiyankooɓe 6)
– Sarɗiyanke gooto wonande doggol ngenndiwol denndal
– Sarɗiyanke gooto Doggol Ngenndiwol Rewɓe
– Sarɗiyanke gooto wonande doggol ngenndiwol Sukaaɓe
– Sarɗiyanke gooto Nuwaasot bannge hirnaange
– Sarɗiyanke gooto Nuwaasot bannge Rewo
– Sarɗiyanke gooto Nuwaasot bannge Worgo
Sawab : (Sarɗiyankooɓe 5)
– Sarɗiyanke wonande doggol ngenndiwol denndal
– Sarɗiyanke wonande doggol ngenndiwol Rewɓe
– Sarɗiyanke wonande doggol ngenndiwol Sukaaɓe
–Sarɗiyanke Nuwaasot bannge Rewo
– Sarɗiyanke Nuwaasot bannge Worgo
AJD/MR (Sarɗiyankooɓe 4)
– Sarɗiyanke wonande doggol ngenndiwol denndal
– Sarɗiyanke wonande doggol ngenndiwol Rewɓe
– Sarɗiyanke to Nuwaadibu
– Sarɗiyanke to Kayhayɗi
Sewnde CENI
Oumar Elhadj THIAM
Jaayre Pinal-JP
