Initiatives News L'info au service du développement
Related Articles
176 ɗuum ko limre huuɓtidinne sarɗiyankooɓe tawateeɓe nder batirde ngenndiire Moritani. Kono 165 sarɗiyanke heɓi wootde Hollito dawrugol kuuɓtidinngol laamu Moritani, ngo jaagorgal garwaniiwal Moktaar Jaay hollirnoo ñande asetaare yawtunde ndee. Ko jamma hanki saanga W1, limgol karte ɗee, joofii. Tuugnaade e hooreejo batirde ngenndiire ndee, Mohamed Bammba Megget, 140 kollitii e njahdi e porogaraam laamu nguu, 25 heddiiɓe ɓee mbiyi ko alaa. Ndeen ne dey, keeweendi sarɗiyankooɓe ɓee kesɗitinii hoolaare mumen e laamu nguu. Jaagorgal garwaniiwal ngal, hollitiino dikkanɗe yummaaje ɗe laamu nguu yiɗi gollaade, ko wayi no caɗeele, maa teppi tonnguɗi ɓamtaare leydi ndii. Dikkannde adanere ndee, ko yuɓɓitinde jiilirɗe laamu nguu. Ummitinde ngalu leydi ndii, tawii rewraa ko e jinnditorɗe mum. Heblooji ñeeñɗinaaɗi, mecciyankooji, cosgol golle. Tiiɗtingol jaŋde ngenndiire ndee. Daranaade ngootaagu ngenndiiwu, ñootondiral renndiyankeewal, ngam jiytondiral leƴƴi Moritani. Kono ine jeyaa e dikkannde arwaniire laamu nguu, haɓde e ceɓɓitaagu, owbeeleeɓe, ngati e wiyde jaagorgal ngal, Moritani fiiltii ko e leyɗe, guurɗe e fitinaani ndeen noon, keeri mum kisal mum fotaani yeebeede… Kareele gonɗi e leyɗe koɗdaaɗe ɗee, so peeje ƴettaaka kaw ine baɗtina e Moritani e wiyde makko.
Jaayre Pinal-JP
