Initiatives News L'info au service du développement
Related Articles
Hooreejo Senegaal Basiiru Jomaay Fay, ine tijjaa nder Ndenndaandi Lislaamyankeeri Muritani ñande alarba 17-4-2024. Nguu ɗoo njillu, so laatiima wonata njillu makko ngadanngu caggal leydi, ɓaawo nde o fiilaa lefol laamu. Toɓɓe keewɗe ine jeyaa ko ummini njillu nguu, ine jeyaa heen hooreeɓe ɗiɗo ɓee, njeewtida ko faati e Gaas ɗe leyɗe ɗiɗi ndenndi oo. Gonɗo hakkunde Senegaal e Muritani, potɗo waɗtude huutoreede e maayirɗe hitaande nde ngon-ɗen ndee. Ko noon ne kadi, awo ine jeyaa heen. Leyɗe ɗiɗi ɗee, ciifondiriino nanondiral ko faati awo, rokkude fartaŋŋe awooɓe Senegaalnaaɓe mbaɗta awde e maayo haaɗngo Muritani. Ngal ciifondiral waɗenoo ko ñande 14-7-2023, dumunna oo ko hitaande tan. Hooreejo Senegaal, maa yeewtid e nanndo mum leydi Muritani ngam hesɗitinde ngal ɗoon ciifondiral. Ciftinen, hooreejo Muritani Mohamed Seek Ghaswaani, tawtorenooma piilngal Basiiru Jomaay Fay, ñande 2-4-2024 to Senegaal.
JP
