Ko wabaawo bonngo waɗi e ooɗoo aljumaa 5 siilto to Haayre Golleere, wuro wonngo e diwaan Barakna. Suko gorko jahroowo e duuɓi sappo ina wiyee Baaba Moƴƴo yoolii to weendu Luggere Baylaa tuma nde o lummbidtunoo e sehimaaɓe makko.
E wiyde humpitooji ɓadtiiɗi galle oo, cukalel biyeteengel Baaba Moƴƴo ngel, ko adii fof anniya mum wonnoo ko tawtoreede Ziarra mo Thierno Boubou Diop waɗetee hitaande kala ɗo e HG. Kono, o wayli miijo makko, tuma nde o yiyi e won e sehilaaɓe. Ɓe njahi lummboyaade to weendu luggere baylaa, saraaji Weendu maaro, rewo wuro Haayre Golleere. Ko fotnoo wonde sahaa weltaare, ko metti heen, wayliima wonti musiiba.
Ko gooto e sehilaaɓe makko, ceedtiiɗo musiiba oo, waɗii ngoon jeertinaango. Kadi oon ne ine yahra duuɓi 10, o artiri comci Baaba Moƴƴo, o artiri comci Baaba Moƴƴo, o humpitii wonde cukalel ngel yooliima, hay gooto dañaani daɗndude ngel.
Kabaaru oo waɗii e wuro ngoo e sunaare mawnde. Ko cente cente keewɗe mawɗe waɗii to galle Ibraa Hammadi Nakkoo, ɗo hoɓɓe e wuro ngoo kawri ngam rokkude ballal mum en e galle maayraɓe ɓee, ina jeyaa heen yumma maayɗo oo, hono Aminata Ibra Diop, e baaba makko, hono Saïdou Nourou Bah Founti.
Laamu leydi Moritani neldaama to nokku oo ngam udditde losko e anndude holko saabii ngoo wabaawo waɗi tigi rigi.
Gooski Baaba Moƴƴo, adinoo naweede to lootirdu, sakkitii artiraa e ɓesngu mum, wirnaa hannde kikiiɗe to genaale Haayre Golleere.
Ngooɗoo Wabaawo bonngo ina hollita batte ndiyam, haa teeŋti noon e sahaa toɓooli. Toɓooli mawɗi ina mbaawi waylude beeli e
JP
