Pelɓondire mbaɗii altine hannde to yeeso Jaagordu Jaŋde toownde e wiɗtooji ganndal nder Nuwaasot. Ɗum waɗi ko hakkunde polis e won e etijaaji seppuɓe ngam salaade sarɗiiji « ɗi nuunɗuɗaani » jowitiiɗi e dokkirgol bursiiji. Seppooɓe ɓee ɗaɓɓi ko nde njoɓatee ballal renndo woni « aide sociale » wonande ɓe ngalaa bursiiji ɓee kadi yo kuule pawaaɗe e dow senndikaaji ɗii itte, ɗi ɓittitee, njogoo wellitaare.
Pelɓondiral ngal addi nanngugol won e etijaaji. Tuugnaade won cewle kollitii ko famɗi fof hedde etijaaji sappo mbarminaama.
Teskaama won nate e widiyooji caraaɗi nder laylayti renndo, ɗo poliseeji piyata ɗiin etijaaji.
