Initiatives News L'info au service du développement
Related Articles
Laamu Muritani hollitii hannde alarba 21 bowte cosgol duɗal ɗemɗe ngam ƴellitagol jaŋde ɗemɗe ngenndiije (Institut pour la Promotion et l’Enseignement des Langues Nationales (IPELAN).)
Cosgol ngal ɗoo duɗal ari ko e tuma ciynegol pellitte kuulal ɗowowal Tippudi Nehdi e Jaŋde tŋ2022-023 ñalngu 17 juko 2022. E no bayyinaango batu jaagorɗe saaktiri.
« IPELAN », woni Duɗal ngam Ƴellitagol e Jaŋde Ɗemɗe Ngenndiije faandaare mum ko:
1- « Yuɓɓinde, jokkondirde e ƴellitde denndaangal wiɗtooji ciynaaɗi jowitiiɗi e ɗemɗe ngenndiije.
2- Heblanaade naattingol nder Tippudi Nehdi e Jaŋde ngenndiire, ɗemɗe Pulaar, Soninke e Wolof.
3- Gaddaade heblo gollooɓe toppitiiɓe jaŋde ɗeen ɗemɗe nder duɗe janngirɗe ɗee
4- Keblanagol kaɓirɗe janngiyankooje », e no hollitiri laamu nguu.
Oumar Elhaj Thiam
On koofnaama tedduɗi.
So tawii ngoo miijo mawninaama haa ngo jaaliima maana waɗ nafoore heeriinde, sibu ɗemngal woni leñol guurgol ɗemngal ko guurgol leñol, leŋol fof ina ɓura waawde hettinireede ko to senngo ɗemngal, waɗde so ɗemngal maayi leñol maayi, so ɗemngal wuuri leñol wuuri. Ndeen noon toppitagol ɗiin hujjaaji e jaalɗinde miijooji majji jeyaa ko e ɓamtaare heeriinde. Amin njaara on ngam daranaade leŋol ngol e hirande on ngol e kala. Jaayre Pinal JP min njettiima njottoor keeriiɗo sibu aɗa jeyaa e ɓurɓe waawde ɓannginde ɗii miijooji e nder renndo ngo yoo Geno yoɓtu moƴƴere en njettii dentaangal wayɓe no hono maa en kuuɓal.