E nder konngol makko ngol o haali to Zouérate, laamorgo diiwaan Tiris Zemmour to rewo leydi ndii. Ould Sid’El Moctar hollitii wonde luulndo demokaraasi ngoo e kuuɓal, e lannda makko e mbaydi keeriindi, ceeraani e ɗaɓɓude sahaa kala yuɓɓinde kaaldigal ngenndiwal kuuɓtodinngal, tawa aldaa e faltaade hay toɓɓere wootere walla hay neɗɗo gooto.
Ould Sid’El Moctar – gonɗo kadi gardiiɗo luulndo demokaraasi – teeŋtinii wonde kaaldigal ngal ɓe noddata ngal ina foti wonde tiiɗngal, kattanngal safrude caɗeele leydi ndii, e gaddaade kisal e deeƴre mum.
O jokki heen : « Eey e kaaldigal jowitiingal e ñawndugol warngooji ɓennuɗi ɗii kam e caɗeele maccungaagu. Kaaldigal cafrowal yuɓɓo wooteeji, ɗowowal e moƴƴugol e ɓamtaare leydi ndii, ko noon ne kadi e tiiɗtingol ngootaagu ngenndi. E joofnirde, Ould Sid’El Moctar hollitii wonde ɓe njaɓataa tawtoreede kaaldigal ngal hormaaki sarɗiiji cifaaɗi dow ɗii.
Jayre Pinal
