CaaktirDe: Hooreejo Ndenndaandi wallitii Besnguuji jaayndiyankooBe sankiiBe

Hooreejo Ndenndaandi Mohamed Seek Gazwaani neldii miliyoŋaaji 10 uguya kaalis kiiɗɗo oo, faade e ɓesnguuji jaayndiyankooɓe muritaninaaɓe nattuɓe wonde e oo aduna. Ngal ballal, ngal hooreejo leydi ndii waɗi addaama to biro Senndikaa jaayndiyankooɓe Muritani uddatnooɓe ñande alkamiis ndee oorngal jokkondiral ɓesnguuji wonnooɓe gollodiiɓe maɓɓe to bannge jaayndiyankaagal sankiiɓe.

Ngal ballal kopporeeje, gummoriingal e hooreejo leydi ndii, yettini ɗum ko hooreejo HAPA Huseynu Meddu. Gollal ngal yooɗnaama no feewi, teeŋti ari ko e lewru koorka ɗo hooreejo Gazwaani waɗti hakkille mum e ɓiɓɓe leydi ndii.


Yontere yawtunde ndee wonnoo ko to bannge konuŋkooɓe ɓee e ofisiyeeji ɗii, wonɓe to keeri leydi ndii, to Beyket Lahwaash, to hooreejo leydi ndii Mohamed Seek Gazwaani taƴi koorka mum humtii, ngam hollirde jokkondiral e musiɗaagal e daakorɗe toppitiiɗe kisal leydi ndii e ɓiɓɓe leydi ndii.

Senndikaa jaayndiyankooɓe Muritani fuɗɗiima e darorɗe lewru koorka nduu, ummanaade ballal keertoriingal ɓesnguuji jaayndiyankooɓe yaltuɓe aduna. Balle keewɗe keɓaama, kadi toppitii ɗe ko goomuuji cosaaɗi ngam feccude ɗiin ngaluuji e ɓesnguuji goppaaɗi caggal.

Oumar Elhaj Thiam

About Diagana

Check Also

Portrait : Abdrahmane Ousmane Daff, Agriculteur Passionné au Parcours Inspirant

Au cœur de la région du Gorgol, dans la ville de Kaédi, Abdrahmane Ousmane Daff, …

Laisser un commentaire

Votre adresse e-mail ne sera pas publiée. Les champs obligatoires sont indiqués avec *