Hooreejo leydi Muritani Mohamed Ghazwaani Yettitii ngardiigu G5 Sahel

Related Articles

12ème conférence AFRAVIH à Yaoundé : L’ONUSIDA appuie le plaidoyer de Coalition internationale pour la reconnaissance du Statut des pairs éducateurs

12 heures ago

Garal Hooreejo Senegaal nder Nuwaasot

22 heures ago

Directive d’Aménagement du Littoral de Nouakchott : Restitution d’une étude de WACA commanditée par le ministère de l’environnement

2 jours ago

O toɗɗaa ko e tuma lulnde nde aadoraaka ardiiɓe leyɗe G5 Sahel, yuɓɓinaande e ndee altineere 20 colte 2023 to Jamenaa, laamorgo Caad.

Ardiiɓe leyɗe jeyaaɗe e G5 Sahel ndentii e batu ngu aadoraaka e dow tiitoonde:

« Jotondiral leyɗe paatungal e ɓamtaare e kisal ». Ine jeyaa e hooreeɓe tawtoraaɓe ɓee, Mohamed Ghazwaani, nanndo makko lesdi Niger Mohamed Bazum, e jaagorgal ndeenka leydi Burkinaa Fasoo Qaasum Kulibali, nootaniiɗo hooreejo maɓɓe wondude e nootaniiɓe leyɗe gollodiiɗe karalleeje e kopporeeje G5 Sahel, kam e Mahamat Idriis Debi hooreejo laamu sabbordu Caad. Ko kanko e hoore makko, woni lomtaaɗo e ngardiigu nguu, lomto makko Mohamed Ghazwaani.

Ardiiɓe leyɗe G5 Sahel ɗee, njeewtidii e ngonka ka G5 Sahel wuuri oo sahaa, to bannge lowre renndo-fagguduyankoore e kisal caɗtungal dookiiɗe leyɗe ɗee. Ɓe caytoraani rewam fekkuru dawriyankooru ɓaawo jaltugol leydi Mali e fedde ndee. Ɓe nanondirii gollodaade e jokkude dogde koyɗe jam ngam artirde leydi Mali e ndee fedde, ngootiri e sosɓe ɗum. Ko ngol woni laawol gadanol ko  Bamako, tawtoraaka joɗnde G5 Sahel gila 2014, ñalngu cosgol fedde ndee.

Oumar E. Thiam